ປະຫວັດຄວາມເປັນມາ: ແຕ່ປີ 2010 ຂ້າພະເຈົ້າໄດ້ມີພໍ່ສ່ຽວຄົນຈີນທີ່ຮູ້ຈັກກັນມາຫຼາຍປີເອົາຊາມາຂົ້ວ, ຂ້າພະເຈົ້າເລີຍຖາມລາຍລະອຽດແລ້ວໄປເກັບຊື້ມາຂາຍໃຫ້ພໍ່ຄ້າໄດ້ມື້ລະ 10-20 ໂລ, ຫຼັງຈາກນັ້ນໄດ້ລະດົມປະຊາຊົນຮັກສາຕົ້ນຊາຈົນຂະຫຍາຍຫຼາຍຂື້ນມາເລື້ອຍໆ. ມາຮອດປີ 2014 ຂ້າພະເຂົ້າຈຶ່ງຕັດສິນໃຈສ້າງໂຮງອົບຂື້ນມາເປັນຂອງຕົນເອງ ເພື່ອຈະເກັບຊື້ ແລະ ຜະລິດເອງ ແລ້ວຈຶ່ງຂາຍອອກໃຫ້ຄົນຈີນຕໍ່ຈົນຊາພູສັນເລີ່ມມີຊື່ສຽງ ແລະ ທາງຂັ້ນເທິງກໍ່ໄດ້ລົງມາຊ່ວຍຊຸກຍູ້-ສົງເສີມຕື່ມເຮັດໃຫ້ທຸລະກິດຊາໃນປັດຈຸບັນເປັນທຸລະກິດທີ່ສ້າງອາຊີບຫຼັກໃຫ້ຄອບຄົວຂ້າພະເຈົ້າ ແລະ ອີກຫຼາຍໆຄອບຄົວລວມທັງຜູ້ເຖົ້າ ແລະ ເດັກນ້ອຍຕາມໆມາ.